Emprim contact

Emprim contact ed orientaziun da las pazientas e dals pazients

L’emprim discurs permetta als pazients ed a las pazientas d’entrar en contact cun lur psicoterapeutAs e da discurrer davart la situaziun e las spetgas visavi ina psicoterapia. Las pazientas ed ils pazients duain vegnir orientads oravant tut davart ils suandants puncts:

– il gener da la metoda e da la scolaziun
– las dumondas concernent la durada ed il setting (furma da lavurar) da la psicoterapia
– las cundiziuns finanzialas sco l’onurari, l’indemnisaziun da la cassa da malsauns e la moda da metter a quint las uras manchentadas
– l’obligaziun da discreziun
– l’orientaziun davart las cundiziuns d’ina psicoterapia sto vegnir fatga a moda adequata ed objectiva

PazientAs e psicoterapeutAs decidan, schebain, quant ditg e cun tge finamiras ch’els vulan far ina psicoterapia.

Comments are closed.